我好愛好愛嘅貓仔貓女：
多謝大家星期六為我預備嘅「綜藝表演」，你哋好「娘」 ！好似小學生畢業典禮，文達哥哥真係好開心，雖然估到你地會有啲花臣，但估唔到你哋會做得咁精彩！
星期六晚有隻貓打嚟話我臨尾講嘢講得太少，其實突然叫我出嚟講嘢，我一片空白，所以講唔到啲咩喇～不過後來諗返，都有啲嘢想講嘅 ……
仲好！用電郵同大家分享，我唔使喊，呢排喊得太多～
惜別會條片最尾有首詩：
落葉知涼，珍惜日短仍探求成長，沒有虧蝕的日子，早延至地久天長。
有人暗瓦底問係咪我作 …… 梗係唔會啦，大家都好明白我嘅中文水平～不過我好鍾意呢首詩，佢可以表達到我離開既心情！
其實嚟提摩太團做導師嘅第一日，我已經知道我會走，因為我早已有蒙召嘅心。所以我好形惜同大家相處嘅時光，我祈望可以同大家相處一年，就好似一齊生活咗幾年咁！「珍惜日短仍探求成長」，這幾年嚟同大家走過好多路，回想喺提貓太團嘅日子，我哋真係經歷過好多嘢，我好盡力去愛大家 …… 上山（ 行山 ）下海（ 我好鍾意掉你哋落水，好過癮 ）、去醫院、去差館、去社署、去搵學校、瞓街（ 我永遠唔會記得呢嗰個晚上 ）、我試過「抄」「垃圾囉」（ 阿婆將幾個垃圾桶嘅嘢掉晒落去 …… 哎呀～ ），不過換嚟一句文達哥哥，真係好開心，仲有，我竟然打CS …… 哎唷唷 ！
我你哋靈修、讀經、靈命操練（你哋兩個呢世都要記住所學到嘅嘢呀！ ）、教你哋帶聚會、預備新循環、傳福音（有一日你哋幾個用福音橋分別帶咗幾個人決志，開心死我！ ）、教大家帶遊戲、英文（我暗瓦底留意你哋會考作文個Grade好開心！ ）、教結他、教彈琴（我哋突破咗《憶當天100喇～》！ ）、教唱歌（芬芬你要加油！ ）、教做畫劇（好記得業仔嗰句：「乜分手咁恐怖架 …… 」，赫親小朋友～ ） …… 講唔晒咁多 ……
你哋時常都令到我好快樂！不過都好多時令到我心如刀割 …… 我唔講喇，你哋自己心知肚明～人人有份永不落空！最記得嗰次喺一段長時間既擔心既期間，醫生同我講懷疑我生蛇 …… 「有冇攪錯呀！陳文達你俾人激到生蛇！」我心裡即刻咁同自己講 …… 哈哈！我唔講你唔會知既～ Don’t be guilty! I Love You! This is the story between us!
其實喊又好，笑又好！我都咁鍚你哋！（就算真係唔返教會，我都咁鍚你哋）知唔知點解我鍾意你哋叫我「文達哥哥」 ？（當然唔係叫文達哥啦，我唔係英偉哥嗰個「呢」 ～），記唔記得我哋團契一齊睇過「嘉榆老師」嘅見證？嘉榆老師死之前嘅日子都俾晒少年人，好愛佢哋，俾咗條命佢哋。我睇時真係好感動！嘉榆老師嘅羊仔嗌佢嘉榆哥哥，所以當我嘅貓仔貓女嗌我文達哥哥，我就覺得我好愛你哋，我要俾咗條命你哋～哎呀，好骨痺呀！
不過都唔夠你哋講嘅嘢骨痺～
「文達哥哥，我真係好唔捨得你，無論講幾多次好係，你一定要番黎 …」
「我會好掛住你！給靚仔的文達哥哥」
魚旦球場上不經意嗰句「I will miss you」冧晒～
[Mantat，I 心U >333<]，因為第一次先難得～多謝妳哦～
最醜樣嗰兩個喺講台上：「我愛文達哥哥」
我仲記得你一路喊一路同我講你發夢見到我死咗 ……
仲有上次喺馬鐵子翹講到喊，赫親啲乘客，以為我洽妹妹呀～哈哈！
世姪久唔久就話幾時幾時要約我出嚟～
「我真係越來越鍾意你，多謝你教我 …… 」
嘉敏～我哋唔講嘢架呵～不過你靚星星好靚！多謝你！
而細佬 …… 佢講得太多喇～今朝瞓醒都仲見到佢個SMS，好冧呀！
你哋記得應承過我嘅所有嘢呀！要行一世天路、返一世教會、信一世耶穌、要幾時幾時睇晒一次聖經、要努力投入約瑟團、幫我睇住啲「細」、有乜嘢要同英偉講、都要同文達講、要聽英偉話、認真尋求信仰（主是生命的主，賜豐盛生命啊！），最早二十歲先拍拖、唔好發脾氣、唔好打交、要珍惜對方、要做好你嘅「頭」、要變淑女、要變得有禮貌、要三個月睇晒我俾你本書、要同班中三一齊喺靈命同籃球方面一同成長、唔會有太多廢話（ …… 點為之太多呢吓？ ）、如果有人離開，我會拉佢返嚟，加上會去多啲同新朋友傾計、下年彈琴會勁咗、會繼續練結他、會開學後摌咗CS（唔好再同我講：「摌唔到咪算囉～」，我叫英偉哥幫你哋分界！ ） …… 仲有要堅持Wan姐係靚女 知冇？仲有倢姐係型、恩恩係「優雅」，哈哈哈哈哈哈哈哈！
仲有你：「會立志作神無瑕疵的人」，唔好咁口響呀！你話「唔會反口」架！
張凱欣，唔好同我講俾咗好多唔好嘅嘢我！呢啲係我哋之間嘅回憶，我哋之間嘅故事，我心存感恩架！你要做一個好嘅女朋友，你對我細佬唔好，我剃光你個頭！
「沒有虧蝕的日子，早延至地久天長。」
我哋之間嘅回憶，真係好豐富，已經存喺我嘅心入面，早延至地久天長！感謝主，多謝你哋！
我心情好複雜，我抽「大鎖匙」得返兩條，下星期已經唔喺你哋中間 …… 我人要走，但係你哋寫咁多嘢俾我、送咁多嘢俾我留住我個心 …… 真係殘忍 =]
呼～各位貓仔貓女，下星期開始，我哋都會喺唔同既崗位努力作見證！我哋一定得！
好愛好愛貓仔貓女嘅文達哥哥
